I’ve Got The Power!

N1 kemur inn á raforkumarkaðinn með krafti eftir að hafa keypt Íslenska orkumiðlun og breytt nafninu í N1 Rafmagn. Herferðin hófst á gamlárskvöld þegar ný kvikmynduð auglýsing, sem Guðjón Jónsson leikstýrði, fór í loftið á undan Áramótaskaupinu. Þar er dregin upp mynd af þeirri stemmningu sem skapast þegar ódýrasta rafmagnið á Íslandi er notað.

Ódýrasta rafmagnið á Íslandi

N1 Rafmagn leggur áherslu á að bjóða bestu kjörin. Það er samt ákveðin áskorun fólgin í því að tala um verð á rafmagni, þar sem Íslendingar hafa hingað til ekki látið það hafa mikil áhrif á sig. Staðreyndin er samt sú að upphæðin sem þú sparar með því að kaupa rafmagnið hjá N1 frekar en þar sem það er dýrast jafnast á við 1-2 mánaðarlega rafmagnsreikninga. Þú ræður hvar þú kaupir rafmagnið og þá er bara um að gera að skipta yfir í það sem er ódýrast, ekki satt?

DEILA VERKI