Glódís Perla Viggósdóttir, leikmaður Bayern Munchen, er í aðalhlutverki í nýjustu auglýsingu N1 í tengslum við EM kvenna. N1 hefur um árabil verið einn helsti stuðningsaðili grasrótarstarfs íslenskrar knattspyrnu, ekki aðeins gegnum N1 mótið sem haldið hefur verið í áratugi heldur einnig með Hæfileikamótun N1 og KSÍ. Markmiðið var að búa til hvetjandi auglýsingu, ekki aðeins fyrir landsliðið heldur fyrir öll ungmenni sem setja markið hátt, hvort sem það er í íþróttum eða öðru.