Er þetta meinlaust?

Ný herferð fyrir Jafnréttisstofu vekur athygli á birtingarmyndum kynbundinnar og kynferðislegrar áreitni í samfélaginu. Í vitundarvakningunni er lögð áhersla á hegðun sem mörg telja saklausa og er henni ætlað að fá fólk til að opna augun fyrir sambandi á milli slíkrar hegðunar og hugmynda um karlmennsku, mörk og samþykki.

‍

Hver er þín meinlausa saga?

Við vildum ná til yngra fólks og völdum þá leið að birta myndasögur byggðar á raunverulegum frásögnum fólks. Áhersla var lögð á samfélagsmiðla þar sem fólk var hvatt til að taka þátt í umræðunni með því að deila eigin reynslu og merkja @meinlaust. Viðbrögðin voru frábær og héldum við áfram að framleiða myndasögur út frá þeim sögum sem bárust.