Frísklegt útlit með KEA skyri

KEA skyr hefur aldrei verið vinsælla en einmitt núna. Vörumerkið, útlitið og innihaldið hefur allt verið uppfært og gert bæði gómsætara og girnilegra á að líta. Við fengum það frábæra verkefni að hanna nýtt útlit á umbúðir og ásýnd KEA skyrsins og erum himinlifandi með útkomuna – og neytendur líka, ef dæma má af viðtökunum.

Próteinrík, fersk og kolvetnasnauð hönnun

Það er alltaf gaman að taka þátt í að hanna vöru frá grunni. KEA skyrið fékk rækilega yfirhalningu í framleiðslu og innihaldsefnum og okkar verkefni var að endurspegla léttleika og hollustu endurbættu vörulínunnar með róttækum breytingum sem færa vörumerkið og umbúðir til framtíðar án þess að slíta tengslin við fortíðina.

DEILA VERKI