Egils Appelsín hefur verið drukkið hér yfir heilsíðum og heimasíðum, svolgrað yfir samlesnum jafnt sem stafrænum tilkynningum og svo hellt aftur í glösin í öllum auglýsingatímum síðan 1955.

Þáttur foreldra og forráðamanna í íþróttastarfi barna er algjörlega ómetanlegur. Það var gaman að draga þetta fórnfúsa starf aðeins inn í sviðsljósið með húmorinn að leiðarljósi til að minna á allt sem gerist bak við tjöldin.

Þjóðargersemin Gerður G. Bjarklind flytur þjóðinni hlýlegt jólakvæði um tilfinningu sem við þekkjum öll; þegar tilhlökkunin er svo mikil að tíminn virðist standa í stað. En svo koma jólin auðvitað að lokum – með allt sitt Malt og Appelsín og annað tilheyrandi.

BOLI varð tíu ára og gaf sér góðan tíma í afmælisveisluna sem stóð meira og minna allt árið. Hápunkturinn var veisla á KEX þar sem mættur var vélboli af amerísku gæðakyni, en öfugt við BOLA var hann fráhrindandi með afbrigðum.

ÖBÍ vinnur að því að breyta heiminum og viðhorfum samfélagsins. Það eru forréttindi fyrir okkur að fá að taka þátt í þessu breytingarferli með samtökunum og snúa ósýnileika í sýnileika, óréttlæti í réttlæti og beina sjónum að orkunni í stað örsins. Niðurstaðn er nýtt merki, nýir litir og ásýnd, nýtt heiti og ný orka til að berjast fyrir réttindum fatlaðs fólks og hugarfarsbreytingu í samfélaginu.

Herferðin byggði á áskorun til stjórnvalda að lögfesta samning Sameinuðu þjóðanna um réttindi fatlaðs fólks hið fyrsta. Í hjarta herferðarinnar er einföld grafík sem sýnir hvernig hægt er með einu pennastriki að breyta neikvæðum hlutum í jákvæða og koma þannig sterkum skilaboðum á framfæri á áhrifaríkan og eftirminnilegan hátt.

Fatlað fólk hefur þurft að bíða og bíða og bíða og bíða og bíða og bíða og bíða eftir því að samningur Sameinuðu þjóðanna um réttindi þess verði lögfestur á Íslandi. Það er eins og að hlusta á bilaða plötu sem aldrei klárar lögin.

Hversu lengi þarf að bíða eftir lögfestingu samnings SÞ um réttindi fatlaðs fólks? Fram á þriðjudagskvöld? Eða fram í rauðan dauðann? Við fengum liðsauka í skuggalega þögul mótmæli á völdum stöðum í borginni til að minna á að ekki er í boði að bíða lengur.