Til að undirstrika skírskotun til gamallar hefðar er þungamiðja þessarar herferðar auglýsing sem var alfarið teiknuð og hreyfð af starfsfólki ENNEMM. Nostalgían og jóla-rómantíkin fá að flæða óhindrað við ljúfa tóna frá hljóðmeistaranum Birgi Tryggvasyni. Til að toppa allt saman bindur hin sígilda og þýða rödd Gerðar G. Bjarklind jólaslaufuna á pakkann með innilegri jólakveðju. Útlitið í auglýsingunni kallast svo á við nýjar umbúðir dósa og pakkninga sem taka vel á móti neytendum í næstu verslun.