„Áralöng bið eftir lögbundinni þjónustu er ekki náttúrulögmál og við hjá ÖBÍ hvetjum frambjóðendur og kjósendur til að standa saman að því að vinda ofan af biðlistum. Stöndum vörð um réttindi fatlaðs fólks í sveitarstjórnarkosningunum. 80% landsmanna ætla að kjósa framboð sem vilja bæta þjónustu við fatlað fólk, samkvæmt könnun sem Gallup vann fyrir ÖBÍ í vor. Það er nefnilega engin eftirspurn eftir Biðlistanum, hvorki í kosningunum né í raunveruleikanum,“ segir Alma Ýr Ingólfsdóttir, formaður ÖBÍ réttindasamtaka.