Kynningarherferð fyrir nýtt og dulmagnað leikár í Borgarleikhúsinu er hafin ásamt kortasölu. Áskriftarkortin eru mikilvæg tekjulind og leggja ákveðinn grunn í rekstri en í ár er boðið upp á nýjar leiðir í kortasölu. Einnig hafa verið útbúin glæsileg kynningarplaköt af leiksýningum komandi leikárs sem mynda vef inn í óvænta heima og furður sálarlífsins. Það er gjöfult að vinna að kynningar- og markaðsstarfi Borgarleikhússins og framundan eru sannarlega spennandi tímar.