Mjólkin gefur styrk

Það er alltaf gaman að gera nýtt og ferskt efni fyrir íslensku mjólkina. Þetta er næringardrykkurinn sem fylgir okkur flestum frá upphafi ævinnar og tengir okkur æskunni og uppvextinum. Mjólkin er alltaf ný fyrir nýjum kynslóðum og þess vegna síung og full af tilhlökkun og krafti eins og þetta skemmtilega og hrausta fólk sem segir okkur sögu sína og mjólkurinnar í þessari herferð.

Nærandi samstarf

Við beinum nú athyglinni að næringunni og bætiefnunum í mjólkinni sem hjálpa okkur að styrkjast og eflast. Þau Edda, Haukur, Leo og María segja okkur hvernig mjólkin veitir þeim kraft og styrk til að ná árangri um leið og við minnum á bætiefnin og byggingarefnin sem líkaminn fær með náttúrulegum hætti úr mjólkinni.

DEILA VERKI