Það urðu kaflaskil í fjölmiðla og fjarskiptasögu þjóðarinnar þegar Stöð 2 og Vodafone sameinuðu krafta sína undir merkjum SÝNAR. Okkur var falið að hrinda vandaðri stefnumótun í framkvæmd með auglýsingum, nýju slagorði og fleiru.

Þegar kom að því að kynna samstarf COLLAB og Birnis vildum við gera meira en að senda hefðbundinn gjafakassa. Útgáfa drykksins fór saman við útgáfu plötunnar Dyrnar, þar sem plötuumslagið er mynd af bronsstyttu af Birni, þemað á sjónrænu útfærslu plötunnar er líkamleg tenging við umheiminn.

Við 3D-skönnuðum höndina á Birni og prentuðum út nákvæm mót sem voru spreyjuð í bronslit til að tóna við fagurfræði plötuumslagsins. Útkoman varð „físískt þrívítt verk“; standur sem heldur á Collab dósinni. Aðeins fimm eintök voru gerð, hvert og eitt áritað af listamanninum.

Okkur langaði að breyta því aðeins hvernig fólk hugsar og talar um N1 stöðvarnar og tengja við sterkari tilfinningar en gengur og gerist. Það eiga sér allir einhverja stöð sem hentar best, eða er mest í leiðinni, en væri ekki gaman að eiga N1 stöð sem þú gjörsamlega elskar? Til að skapa þessi hughrif nýttum við okkur sterk ástar- og kærleiksminni ásamt laginu She‘s the One frá Robbie Williams í sjónvarpi og útvarpi en vísuðum í heim stefnumótaforrita og ástarbréfa á netinu og í umhverfi. Hvaða N1 stöð hugsar þú um þegar þú leggst á koddann?

Kit Kat, sem er þekkt fyrir slagorðið góða: Brjóttu upp daginn, réðst í dálitla áminningarherferð í umhverfismiðlum í vor. Hugmyndin var einföld, en bitar af súkkulaðinu voru notaðir til að mynda klukku sem alltaf rétt, bæði á strætóskýlum og stærri skiltum, enda alltaf góður tími fyrir Kit Kat.

Texti hér ...

Í kjölfar ítarlegrar mörkunar- og staðfæringarvinnu var kominn tími á nýtt auðkenni og ásýnd HSÍ. Með ferskri og einfaldri hönnun fagnar merkið nýjum tímum um leið og það tengist hinu gamla með sterkri vísun í boltann sjálfan, líkt og eldra merkið sem þjónað hefur sambandinu áratugum saman.