Ný ásýnd Háskóla Íslands

Háskóli Íslands efndi til forvals meðal nokkurra auglýsingastofa um tillögur að uppfærslu á kynningarefni og varð ENNEMM hluskörpust. Markmiðið var að hressa upp á ásýnd skólans, styrkja sjónræna ímynd í öllum miðlum og gera ásýnd skólans um leið nútímalegri og meira aðlaðandi.

Kennslubókardæmi um endurmörkun

Okkar tillaga var að einfalda og styrkja merki háskólans, taka upp skammstöfunina HÍ og velja saman nýja og meira afgerandi liti og letur í allt kynningarefni. Merki Háskóla Íslands, Pallas Aþena, er mjög rótgróið en við sáum tækifæri til þess að einfalda það og styrkja svo það virki betur í öllum miðlum, meðal annars á símaskjám. Þetta er lítil en kjarkmikil breyting sem skapar fjölda nýrra möguleika.