COLLAB X Laufey

Þetta er í þriðja skiptið sem nýr COLLAB er þróaður í samstarfi við vinsælan tónlistarmann. Laufey tók virkan þátt í leitinni að hinu fullkomna bragði til að endurspegla þann undursamlega heim sem hún hefur skapað með tónlist sinni og annarri list - sem varð svo líka innblásturinn að hönnun umbúðanna í samstarfi við teymi Laufeyjar.

Stærsti COLLAB í heimi

Útlit og umgjörð drykkjarins litaðist af myndrænum heimi Laufeyjar eins og hann birtist um víða veröld. Þetta birtist í alls konar efni í tengslum við nýja drykkinn; allt frá kvikmynduðum auglýsingum til kynningarrýmis í Smáralind með sjálfsagðri viðkomu í umhverfismiðlum og á netinu. Alls staðar var sama hugsunin og útlitið til grundvallar og svo vel tókst til að úr varð stærsta kynning á nýrri bragðtegund í sögu COLLAB.