Vínbúðin er einn af okkar skemmtilegustu viðskiptavinum og nýlega fengum við tækifæri til að hanna með þeim nýtt útlit og þema Vínbúðanna í Garðabæ og Skútuvogi. Þar er hvorki stafrófið né landafræðin notuð til að raða vínum í hillurnar, heldur ráða vínflokkarnir og bragðeiginleikarnir hvaða vín lenda hlið við hlið. Grafík og myndmál undirstrikar þetta á girnilegan og næstum því ilmandi hátt til að hjálpa viðskiptavinum að velja rétta vínið.