— VERK

Styrkurinn er gleði

Markmið verkefnisins er að safna sem hæstri upphæð á örfáum dögum í miðju jólaatinu. Kærleikskúlan er aðeins í sölu í 15 daga í desember ár hvert og allur ágóði rennur til starfs í þágu fatlaðra barna og ungmenna. En veit markaðurinn hvað það felur í sér? Við gerðum það nefnilega ekki sjálf á fyrsta fundi.

Þegar við kveiktum á því að ágóðinn af Kærleikskúlunni rynni til sumarbúðanna í Reykjadal þá lá strax beint við að skerpa rækilega á tengingunni milli kúlunnar og barnanna sem njóta.

— VIÐSKIPTAVINUR

Styrktarfélag lamaðra og fatlaðra

— OKKAR HLUTVERK

— ÁSKORUNIN

Kærleikurinn í kúlunni

Innblásturinn spratt af krökkunum sem njóta góðs af söfnuninni. Þau eru mismunandi en eiga það sameiginlegt að líf þeirra allra er betra vegna Kærleikskúlunnar. Sumarbúðirnar í Reykjadal eru einn öflugasti gleðiframleiðandi landsins og við vildum miðla því til kaupenda Kærleikskúlunnar undir slagorðinu „Kúlan sem gleður“.

Við settum því saman þétta og öfluga samfélagsmiðlaherferð með innilegum myndum og videóum af starfseminni, krökkunum, brosunum og gleðinni í Reykjadal sem höfða sterkt til fólks í jólastressinu. Við studdum einnig við herferðina með prentauglýsingum og óvæntum uppákomum.

DEILA VERKI