— VERK

Heil kúla af kærleika

Kærleikskúlan er árlegt styrktarverkefni til að safna fé fyrir sumarbúðir fatlaðra barna og ungmenna í Reykjadal. Kúlan í ár var hönnuð af Finnboga Péturssyni hljóð- og myndlistarmanni. Hún innihélt hluta af segulbandi sem Finnbogi tók í algerri náttúrukyrrð. Við lögðum upp með að vekja persónulegar tengingar og þannig auka söluna. Það tókst svo vel að Kærleikskúlan seldist upp á örfáum dögum. Jólaóróinn Bjúgnakrækir var hins vegar hannaður af Sigga Odds og með honum fylgir skemmtilegt kvæði eftir rithöfundinn Þórdísi Gísladóttur.

— VIÐSKIPTAVINUR

Styrktarfélag lamaðra
og fatlaðra

— OKKAR HLUTVERK

— ÁSKORUNIN

Kærleikurinn bindur allt saman

Við vildum draga styrktarþegana fram í sviðsljósið á markaðsefninu og fengum þau Kötlu og Daníel í myndatöku. Okkur langaði svo að kynnast þeim og þeirra persónuleika betur og tókum við þau viðtöl til að komast að því hvað þeim finnst skemmtilegt, ásamt því að heyra hvernig dvölin í Reykjadal hefur áhrif á þeirra líf. Við vildum einnig samræma alla grafík á styrktarleiðum Samtaka lamaðra og fatlaðra; Kærleikskúlunni, jólaóróanum og jólahappdrættinu. Í því samhengi þá ákváðum við að draga fram bláa litinn í merki félagsins ásamt því að gefa efninu jólalegan blæ með rauðbleikri lýsingu.

DEILA VERKI