Markmiðið var að auka kjörsókn í borgarstjórnarkosningunum 2018 með því að gefa kjósendum tilfinningu fyrir því vægi sem þeirra atkvæði hefur.

Þegar við mætum á kjörstað þá göngum við inn í hús - stóran kassa. Þar finnum við rétta kjördeild - aðeins minni kassa. Við förum svo með kjörseðilinn okkar inn í kjörklefann - ennþá minni kassa. Þar setjum við X-ið okkar í pínulítinn kassa. Það er því ekki skrýtið að mörgum finnist atkvæðið sitt ansi smátt - og að það taki því varla að kjósa. Þetta á sérstaklega við um ungt fólk og fólk af erlendum uppruna en reynslan sýnir að þessir hópar kjósa síður en aðrir. Því var ákveðið að höfða sérstaklega til þeirra. Skilaboðin voru þau að allir, hvaða hópi sem þeir tilheyrðu, ættu eitt stykki X til að nota í kosningunum - en það þyrfti að nota það til að taka sitt pláss og fá athygli.