Orka náttúrunnar hefur opnað spennandi ökuskóla fyrir krakka í Fjölskyldu – og húsdýragarðinum. Börn fá þar að prófa að keyra á litlum rafmagnsbílum og eru jafnframt frædd um notkun rafmagns á bílum. ENNEMM hannaði verkefnið Ökuskóli fyrir unga ökuþóra með Orku náttúrunnar sem er í fararbroddi þegar kemur að endurnýtanlegri orku og hvetur til rafbílanotkunar á Íslandi. Þegar kemur að því að breyta hugarfari og auka meðvitund um umhverfismál er mikilvægt að byrja á yngstu kynslóðunum og ekki er nú verra að skólunin sé skemmtileg.