Herferðinni er einkum ætlað að ná til ungs fólks, sem er sá hópur sem greiðir hæsta verðið fyrir tryggingar. Við vildum draga fram hvernig margir ungir ökumenn keyra fullkomlega vel þrátt fyrir að einhverjir sem eldri eru trúi því ekki. Þessi hugmynd er sett fram í kvikmyndaðri auglýsingu þar sem faðir efast stöðugt um ökulag dóttur sinnar – sem þarf svo innilega ekki á athugasemdum hans að halda – svo hann breytist auðvitað í gormahaus! Þau feðgin birtast svo í öðrum miðlum líka – og að sjálfsögðu gormahausinn líka – til að hamra inn skilaboðin um nýja leið til að lækka verðið á tryggingunum.